إصلاحات جديدة فى الخوادم من 1 الى 8

السلام عليكم،

قمنا خلال هذا الأسبوع بالعمل على عدة إصلاحات فى الخوادم لحل المشاكل التالية:

1. مشكلة عدم التمكن من تقييد السوا الخاطئ.

2. مشكلة لعب المشاريع الصغيرة قبل المشاريع الكبيرة.

3. مشكلة حساب البلوت مرتين.

4. مشكلة عدم إحتساب البلوت فى حال وجود أحد أوراقه فى السوا.

5. مشكلة تعليق اللعبة عند دخول خوي جديد.

كما تم إضافة برمجة خاصة مؤقتة تقوم بإعادة تشغيل الغرفة العالقة بعد توقفها لمدة 15 ثانية فوق الوقت المسموح. و لازلنا نعمل على إصلاح سبب التعليق.

كما تم مؤخرا إضافة خاصيتين جديدتين، الأولى هى إمكانية تغيير الإيميل عن طريق نافذة حسابى، و الثانية إضافة مؤشر جودة الإتصال أسفل إسم اللاعب فى الغرفة لمعرفة إذا كانت مشكلة التعليق من إتصالك (فى حال كان المؤشر أصفر أو أحمر) أو من الموقع (فى حال كان المؤشر أخضر).

نعمل حاليا على المزيد من التحسينات، منها تحسين مستوى لاعب الكمبيوتر.

فى حال تكرار أى من المشاكل المذكورة أعلاه، نرجو منكم إعلامنا فى التعليقات فى الأسفل.

نتمنى أن تحوز هذة الإصلاحات على رضاكم، و حياكم الله فى كملنا.

85 thoughts on إصلاحات جديدة فى الخوادم من 1 الى 8

  1. بسراحه هناك مشاكل عدة نلفت النظر اليها :

    1_ التعليق المستمر وبذات عندما توصل ‘لى نهايت القهوة وقريب تفوز إذا بالتعليق يذهب جهدك على الفاضي .. ولاتعويض ولاشىء .

    2_ مشكلة عدم تصليح برنامج التبصير بحيث اللعب طول القيم ولا ورقه حلوه تجيني بل تجي خصمي وتجيهم مشاريع قوية وحنا مالنا إلا سوا .

    3_ مشكلة عندما افوز في الببالوت ولانقطه تجيني سوى _ مبروك لقد ربحت القهوة _ مع العلم اكون انا
    داخل الجسلة من البداية واكون انا الي اكسب اشكل شىء .

    هذه مشاكل لو تصلحوها بتضبط البالوت وبيكون في احسن الأحوال ..

  2. يعطيكم العافية ماقصرتو صراحتا مافيه مشكلة الى وتحلونها بس انا عندي مشكلة اذا كبرت مساحة اللعب يعني (ملئ الشاشة ) في اللعب ما اقدر اراسل ليييش؟؟ والعشر الأواخر عليكم مباركة .

  3. الله يعطيكم العافيه على جهودكم عندي اقتراح ..,, في حالة السواء الخاطيء ياليت الكمبيوتر يتدخل مباشره في حالة وجود سواء خاطي وبعدين لو ساويت ومعي اكه وعشره وبنت والشايب موجود مع احد الاعبين لو كان معلق لازم يكون السواء خاطيء لان البنت ليست حره واعيد واكرر لازم الكمبيوتر يتدخل في حال وجود سواء خاطي لانها وبكل صراحه ظلمت الكثير من الاعبين ولكم تحياتي والسلام عليكم والرحمه

  4. ياليت تشوفونا حل في هذه المشكله “”
    في ناس تعرف ان اللعبه كبوت مثلاً صن أو حكم ثم يقيد عليها وبعدين تتسجلك اللعبه بدون كبوت
    ياليت تشوفون حلها لها وثم نطلب كبوت لهذه اللعبه
    وشكراً:”:”

  5. السلام عليكم == يسعدصباحكم= عندي اقتراح بسيط لو تعملو فيه يكون شي جدا حلو ومحسوب لموقع كملنا الا وهوا =اذا تبي تختار لاعب تخش وتلعب معه داخل اي غرفه بدلا من كل شوي خاشين وطالعين بسبب الزحام انا اشوف الشي هذا احسن واذا المشكلة ان الشخص تعرفه او ماتعرفه او يراسلو بعض هذا شي راجع لذمة الشخص وضميره= وشكرا

  6. اذا كان الورق بوش ليه مافي اعاده ورق لاني بعض لان بعض الحين يجين بوش كله ممكن تشفون حل وشكرأ

  7. كثرناها عليكم بس فيه نقطه نسيت اذكرها بالرد السابق وهي : النقاط

    النقاط لابد يكون فيه حافز وتشجيع للاعبين للاستمرار باللعبه وهي ان تكون نقاط الخسم في الخسارة نصف نقاط الفوز

    يعني انا فزت وخذت 40 نقطه بالصكه الاولى وانهزمت بالصكه الثانيه مع نفس اللاعبين يجب ان يكون الخصم 20 نصف نقاط الفوز وليس العكس كما هو حاصل الان

    تفوز تاخذ صفر وتهزم تخصم عليك 70 نقطه

  8. يعطيكم العافيه

    فيه ملاحضات وقتراحات

    لو تفعلووون خاصية القطع والخصم في نقاط اللعبه احسن

    وبعد تكبرووون الملعب حق اللعبه

    وتشوفون حل لتعليق الي خسرنا نقطنا

  9. فيه مشكلة بهذلتني بهذله احيانا يكون اتصال احلا من الاوكي وفجأه يفصل وكل مادخلت لقيت مخصوم من نقاطي حرام والله حرام على كذا عرمي ماراح يتعدل مستواي شي خارج عن ارادتي قامت الدنيا اذا طفا اتصالي عشان تخصمون مني كل هالنقاط ليه وربي حرام كذا

  10. السلام عليكم ورحمة الله وبركاتة يعطيكم الف عافيه على التحسينات التي قمتم بها في تحسين وتطوير الموقع لاكن في ملاحظة.. هي اذا تم توزيع الورق فالبداية انا او الخصم الخمس الاوراق الاولى الديمن والهاص مع بعض رغم وجود الشريه او سبيت ماتقدرتفرق بينها الا اذا ركزت دائمآ نطيح بمشتريات بسبت تقارب اللونين جنب بعض.. واتمنى لكم التوفيق

    اخوكم^ ابـو هـمـام

  11. ملاحظة :
    وهي عند ظهور كلمت بس أو حكم على الشاشة تأخذ حيز كبير يغطي الأوراق ويسبب في اختيار اوراق خطا فحبذا ان يكو ن الكتابة كبير قليلا والخلفيى شفافة
    وشكرا

  12. يجب حل مهزلة الاسراف بخصم النقاط واذا فزنا طلعتوا مليون عذر على شان مانحصل على نقاط

    وكمان اذا لعبنا مع الكمبيوتر وفاز هات ياقصف نقاط واذا فزنا قلتوا ننصحك بتغيير اللاعب

    كمان اذا علق الموقع ورغبنا الخروج طلعت لنا رسالة التهديد واذا بقينا يبق هالعددى الموقع معلق يعني مافيه مفر من الخصم

    كمان دائما نظرتكم للمشتركين سلبيه وكانهم حراميه اتوا يسرقوا نقاط وهمكم الاكبر ايجاد الطرق المتعدده للخصم

    واخيرا ان لم تحل هذه الاشكاليه فسوف اتبنى حمله على الفيس بوك لمقاطعة الموقع وحث رجال الاعمال على ايجاد موقع بديل

  13. حل لكن

    أيام ماكنت العب ويعلق ويخرب ولا والموقع مقفل ليش تروح من اشتراكي؟؟؟
    ليش ماتعوضونا على هالخساره؟؟
    انا ماادري ليش اسأل المفروج من البداية تنزلون عالاقل ثلاث ايام اشتر لنا يالمشتركين.

    ارجو النظر بهالمسألة

  14. سؤالي كم من النقاط يحتاج الواحد علشان يتقدم في المستوى ؟؟

  15. عندي كم شغلة ^_^ :
    1- ياليت لو فيه اختبار تسجيل قبل ان الواحد يدخل على طول عى الرومات .

    2- لو فيه سوا اوتماتيك يختار تفعليه صاحب الجلسة

    3- لو فيه خاصية المحادثة الصوتية , والمايك مع راعي اللعب

    4- خاصية التنبيه مثل صوت الجرس علشان محد يترك اللعب

    5- سلامتكم وشكرا على المجهود الكبير ^_^

  16. السلاام عليكم

    انا عندي مشكلة في النقاط اللى ترووح بدون سبب الواحد يرز نفسة في الشاشة ويلعب ويفوز وخرتها
    ولا نقطة يقوولك اللعب اللعب حر اما كاااانت نقااطي مرة مرتفعة والحين مش راااضية ترتفع وتوقف على رقم ثابت اعاني لي سبع شهور واللى يقهرك اني اشوف بنات محترف ونابغة ولا تتغير نقاطهم وحنا الخرفان اللى ندفع اشتراك

  17. مشكلتي انني متوسط لعبت مع واحد محترف فزنا ثلاث مران ماتحسب لي ولا نقطه سئلت المحترف قال انا حسبوا لي نقاط الفوز يعني لو انهزمنا خصموا علي نقاط بس يعطوني عند الفوز نو وييييييييييييييي

  18. ياخوآن انا دايم افوز ولا تحسبون لي نقطه !

    لا تقولون غش قسم بالله العلي العظيم ما اغش واني دايم ابدل خويي علشان ماتتعذرون بـ هالكلام

    ياليت تحلون هالمشكلة لـ أنها سببت لي إحبآط كبير :(

  19. نــــــــــــــــــبــــــــــــي رمــــــــــــــــــــــــوزالــــــــــــــــمـــــــــشــــــــــاعــــــــــــــــر بلـــــــــــــيــــــــــــز

  20. يعطيكم العافيه على التحسينات الجديده بس والله من جد ياليت تركزوووون على رموز المشاعر الحقيقه مطلوبه ونبيها ضروري تكون في الموقع تقبلو مروري

  21. السلام عليكم اشكركم والله يعطيكم العافية ….. في البداية اقدم نفسي انا مشترك في كملنا وافتخر جربت كل الحلول ياكملنا بإستثناء اني انتحر لعبت زي الثور وفزت زي الماطور اتمرطت وانذليت عشان اجمع النقاط مستحيل اني اوصل متقدم حتى لو لعيب يموتو كملنا في الفلسفة وتطوير الموقع كملنا عقدوني من سنين وانا اعاني يموتو بس يخلو الواحد يشترك في كملنا ثاني ماعاد عندي حل الا اني ادور موقع غيره اشوف لي اي موقع حتى لو الغربة مرره بس خسارة مايمديني لاني متوسط و4نجوم كل مره ينقطع الاتصال لما العب في كملنا واخر الحلول اني العب و أوافق ….في الصكة انا حاجز انتظار حاجز انتظار دابما دايما انتظار لكن مني مستعد العب مع خوي حمار ايوا خوي حمار

  22. السلام عليكم …..
    مشكلتي على النقاط العب الصكه من البدايه وافوز وما اخذ ولا نقطه واذا انهزمت ابشر بالخصم الي يكره الواحد اللعبه واشكركم على الجهود المبذوله
    وشكرا…..

  23. فيه مشكه الحين اللي يساوي ساو خاطي مانقدر نقيد عليه لان العداد يمشي بسرعه واكثر الاعبين يعانون من هالمشكله

    وفرنكة الكمبيوتر الزايده واذا كان مثلا مافيه مجاوب بالسبيت الا هو وخويه مايرجع لخويه

    وشكرا

  24. مشووووورين وماقصرتو وكل عام والجميع بخير

  25. السلام عليكم ورحمة الله وبركاته اخـــــــــوي انا اللحين اذا تميت بطلب مايطلعلي شي اخوي لو سمت نبي حل لذي المشكله رجاء
    والسلام عليكم ورحمة الله وبركاته

  26. اسعد الله مسائكم وكل عام وأنتم بخير .
    جهود مميزه تشكرون عليها .
    وأتمنى من كل قلبي ان يكون هناك مراقب للجلسات وشطب لمن (يقل أدبه ) اعرف ان هناك صعوبه في الأمر نوعا ما ولاكن هناك من يقل ادبه بشكل لا يطاق .ومن يتحايل في التغير فصدقوني إن كان هناك مراقب محنك فسوف يعرفه من أسلوبه مهما كان فالطبع يغلب على التطبع

  27. موقع جداً سي فالحين بس في اخذ فلوس المشتركين وتقديم خدمه جداً سيئه بالنسبه للمشترك
    مو معقوله الى الان ماقدرتو تحلون مشاكل الموقع .!!
    الموقع له اكثر من سنه وكل يوم ومشاكله تزيد
    غش وخدمه سيئه ومراقبين اقل من المستوى وكل مراقب يعتقد انه وزير او امير منطقه

    ولايتم الرد على الرسائل والتبليغات انا لي فتره العب بدون نقاط واذا خسرت يخصم مني.؟ ليه مو عارف .!!
    الله يعين بس

Comments are closed.