إضافة تحسينات في الخادم الثامن

السلام عليكم،
كل عام و إنتم بخير،
قمنا بإضافة بعض التحسينات فى الخادم الثامن لمحاولة تسريع الخادم و التقليل من التعليقات. سيتم إضافة بعض الخصائص الجديدة لاحقا بعد التأكد من جودة الخادم الجديد.
لذلك، ندعوكم الى المشاركة بالملاحظات و التعليقات حول أداء الخادم الجديد من ناحية سرعة اللعب أو سرعة الشات أو وجود التعليقات أو أى أخطاء أخرى.

نتمنى أن يحوز الخادم الجديد على رضاكم، و سوف نقوم بمعالجة المشاكل المذكورة خلال الأيام القادمة.

شكرا، و السلام عليكم و رحمة الله و بركاته، و رمضان كريم.

67 thoughts on إضافة تحسينات في الخادم الثامن

  1. السلام عليكم ورحمه الله وبركاته
    كل عام والجميع بخير
    مللنا من كثر التحديثات والاصلاحات اللي اخرتنا ماقدمتنا الى متى يستمر غباء الكوكو
    الى متى يستمر خصم النقاط بسبب التعليق المتسمر
    السؤال هل ستقوم اداره كملنا بتعويض الاعضاء عن فقدان النقاط والايام
    اتمنى ان تضعو خاصيه التكويش ( اما اخونا اللي يريد خاصيه الاكثر ) قوله وش ورقك عشان يكون العب اسهل وترتاح
    تحياتي لكم

  2. المشكله الرئيسيه هي عمل سوا بطريقه خاطئه ولايمكننا القيد وكثرة فرنكه الكمبيوتر والمفروض هي شد حلة ا لخوي خصوصالما يكون معه اكة
    وتحياتي

  3. السلام عليكم زرحمه الله وبركاته
    ياجماعه الخير والله والله والله مال امكم داعي وش سالفتكم كل يوم لكم موال ياخواني شوفو لنا حل ملينا من تهنيق وكل يوم تقولون عطل فني وسوف نوافيكم فيما بعد ماصارت احسن تقفلون الموقع ىوتريحون شعب من الافلام الهنديه اتمنى كلامي يوصل لصاحب الموقع وانا من الناس الي في اليوم ادخل موقع كملنا اكثر من مرة وخسرنا النقاط بسبب التهنيق فارجو منكم التعقيب على الموضووووع فضلا وليس امرا
    وتقبلو خالص شكري ……!

  4. أي تحسينات وربي من جرف ف دحديره..
    لاتعليق المشكله كل شيء واضح عندكم وراي الشباب مو مسموع عندكم ..
    وشوفوا حل في طريقة خصم النقاط و التعليق و الكمبيوتر طريقة لعبه

  5. المشكله في النقاط افوز ولايحسب لي نقاط عكس لم اخسر على طول تنسحب النقاط ارجو اعادة النقاط كذلك التعليق لم يعقل الموقع وتريد ان تخرج يخصم من النقاط ولا ترجع اللعبه لابد ان تخرج ارجو الحل سريع واعادة نقاطي

  6. جماعة وش هالتخبط اللي صاير , أنا أشوف انكم كل ما عملتو تحسينات أو ترقية للسيرفرات كل ما صار الحال أسوء , الى متى واحنا معكم على هالحال , نفوز تعطونا ثلاث نقاط أو أربع , نخسر تخصمون سبعين أو ثمانين , الكمبيوتر ما يشد حلة خوية , الكمبيوتر يتفرنك على الإكك , ينزل مشروع الخصم مع ان مشروعي أكبر , نقيد على سوا خطا يحسبه علينا , سوينا تبليغ ألف مره ولكن لا حياة لمن تنادي , دحدرنا من متقدم بأربع نجوم الى متقدم بنجمتين ونقول معليش الوضع بيتحسن وبيحللون فلوسنا اللي ياخذونها ويعاملونا بالحسنى ويعوضونا خير لكن ماش الظاهر بنوصل متوسط ولا حولنا أحد , شوفولكم حل ولا بطلنا ومسكنا قريشاتنا للعيد , خبركم العيد يبي له مصاريف بعد ماهوب بس انتو

  7. و عليكم السلام و رحمة الله و بركاته

    بصراحة بالنسبة للخادم الثامن و موقع كملنا بشكل عام صار جدا سيء للاسف الشديد .. لكن التعليق أصبح لا يطاق .. كل صكتين لازم تعلق وحدة ، و اروح جلسة غيرها و يعلق و مافي إلا خصم نقاط ، و ما أدري يعني ما شاء الله عندكم أنظمة إدارية رقابية حلوة و قوية .. ما في نظام إداري في صالح نقاطنا ؟ يعني لما يعلق .. طيب اضطر اخرج مافي اي حل اخر لاني اليوم انتظرت 20 دقيقة و ما اتعدلت الجلسة و ارسلت تبليغ عاجل و ما صار شي .. و في النهاية تنقص النقاط .. الان ممكن بسبب الاخطاء اللي بتحصل نقصت ما يقارب الـ 200 نقطة اذا ما كانت 500 او اكثر !!!

    ثاني شي مرة كنت العب ، و جاتني ” ميــة ” و خويي معاه سرا .. اللي على يساري معاه سرا ، و في النهاية اللي على اليسار سراه نزل و ميتي و سرا خويي ما نزلو !!!!

    يا جماعة ما صارت بلوت هذه و الله !!!

    بصراحة أنا و كثير من اصدقائي و أقربائي انزعجنا كثير من هالمشاكل و دايما نتكلم عنها .. لو ما حليتوها بصراحة يؤسفني أقلكم إننا بنترك الموقع نهائيا :(

    أتمنى تشوفوا حل سريع و قوي للمواضيع هذه .. لأن بدون هالمشاكل الموقع 100%

    و شكرا لكم .. ^_^ ..

  8. ابوي تساوي خطا ما يسجل عليك اييش هذا يرحم والديكم شوفو حل والا قفلو
    وندور لنا اربعه

  9. 1- مشكلة قيد السوا الخاطئ
    2- مشكلة ،،قصدي مشااااااااكل التعليق
    3- خصم النقاط عند الخسارة غالبا مايكون اكثر من نقاط الفوز
    4- التكويش

    ويعطيكم العافية

  10. صراحه عندي السيرفر الاول افضل من ناحية التعليق صراحه لي كم يوم ماقدر اكمل قهوه كامله .. من يدخل علينا يوزر مزخرف والجلسه معلقه معنا ياليت تهتمون في الموضوع هذا وشكرا

  11. لي يومين العب مع الكمبيوتر واللي ضدي كمبيوترات وافوز ولايجيني ولا نقطة ليش؟

    وبعدين من علم الكمبوتر اللعب احيان يهرب لي شريه واجيله سبيت وهو يبغى شريه قلت يالله ناخذه على قد عقلة اتفاجأ احيان اللي يهربه مايبيه واحيان يبيه ذبحنا في الصن والحكم يخلص احكامه بدري الرجاء تطوير لعب الكمبيوتر

  12. السلام عليكم ….
    شهر عليكم مبارك جميعا…
    كملنا نشكركم على مجهودكم..
    لكن من جد خرب موقع بعد السيرفر الجديد الرجاء اعادته للقديم لان لا شكل حلو ولا فايدة ويعلق اول كملنا ما كان في مشاكل واحسن موقع لا تخربون شي بس عشان شكل او ستايل جديد لان اصلا ستايل القديم احلى اتمنى النظر بالموضوع وارجاع كملنا لما كانت عليه سابقا …
    للاسف خضم مني 300 نقطة بلافائدة عشان تعليق وكثير من زملاء ايضا..
    نشكر لكم مجهودكم

    في امان الله..

  13. بصراحة التعليق جدا سي وخسرت بسببها 1500 نقطة

    وفي كمان شي السوا المفروض يعاد في نطرة شوي لان لعبت مع واحد ساوا وهو ما عندة سوا وجيت احط قيد خاطئ عيا يدق وفاز عليا اي انة السوا لما يكون عداد من عشر ثواني احسن من الوضع الي علية بحيث ان الواحد ما يخسر نقاط وهو من الاساس حرام يخسرها وصارت معي كثير

    بالنسبة للسرا ومعاي 100 يفرش السرا وصارت معاي عشر مرات وبسببها خسرت نقاط كثيرة تكون اللعبة على النهاية ومشتري على املها وتخسر عليا صارت معي خمس مرات

    بالنسبة للمحادثة بعد رفض الخوي القبول المفروض دايركت يطلع برا اللعب مويقعد يتفلسف علي بالفاط استحي انا اقولها ومنعا للاحراج صارت معي كثير او اذا ما قبلت العب معاه يعلق اللعب صارت معي كثير

    وبالنسبة لللعبة على مستوي الصاروخ يعني لعب سريع جدا هو السبب في تعليق اللعبة ارجو الغائها

    بالنسبه اقائمة الاصدقاء ما لها داعي اذا كان اضيف عدة اصدقاء ومن مجرد تغير الاسم بالنسبة لي او هو ينحذف القائمة باكملها اروج التعديل فيها بحيث انه لا يحدف القائمة والكتابة اوردي سابقا

    وشكرا كم

  14. ما قصرتو ويعطيكم العافيه على كل ما تقدموه في خدمة الجميع … ونتمنى حذف خاصية الدردشه في نفس روم اللعب وذلك لوجود بعض المستخدمين هداهم الله يقومون بالشتم واللعن فيما بينهم اضافة الى الغش العلني بطلب الرنق او الصنف الذي يريده من زميله فلو الغيت خاصية الدردشة في الروم انتهت هذه المشكله واجعلو الدردشه في خارج الرومات الخاصه باللعب … ولكم جزيل الشكر

Comments are closed.