إستبيان فى بعض قوانين البلوت

السلام عليكم،
نظرا لوجود بعض الإختلافات فى قوانين البلوت بين المناطق، قمنا بإنشاء إستبيان سريع لتحديد القوانين الأكثر إنتشارا بين اللاعبين.
يمكنكم المشاركة فى هذا الإستبيان عن طريق الرابط التالى:
http://remalresearch.com/index.php?survey_code=5d69249c&login=1
حيث سيتم تعديل بعض قوانين بلوت كملنا بناءا على نتيجة الإستبيان.
نشكر لكم مساعدتنا فى تطوير و تحسين اللعبة،
و حياكم الله فى كملنا :)

75 thoughts on إستبيان فى بعض قوانين البلوت

  1. السلام عليكم يعطيكم العافيه احب اذكر ان قانون اللعبه فيه تكويش اذا كان الورق زات ارجو انها تتطبق بالموقع

  2. يا اخوان في الحكم 82 للخصم تعتبر خساره على المشتري
    في الميه مايذكر البلوت سواء سرد او بنات او شيبان

    اذا كان معك ثلاث قطع من الحكم كلها كبار مثل ولد وتسعه واكه يحقلك تساوي حتى لو عند الخصم او خويك قطعه او قطعتين

    دمتم بود

  3. السلام عليكم ورحمة الله وبركاته

    نشكركم على جهودكم المميزة في ترقية اللعبه الى الافضل انا عندي ملاحظة ياليت تنتبهون له
    وتحلونه لنا

    اخواني في حالة اني شريت صن ومع الخصم سراى بالرغم ان اكلي اكثر من الخصم يتم احتساب
    30 للخصم .
    معه انه ممكن ياكل اكلتين فقط ويتم احتساب 30 بالكامل له .

  4. ابغاانوه انه السوال الي يقول في اي ميه يتم احتساب البلوت سوال خطا لي انه في وجود الميه من الحكم لايحتسب البلوت وشكرا

  5. السؤال اللي يسأل عن البلوت في الميه ماله داعي بصراحه , من متى يجي مع الميه بلوت ؟

  6. الورق بدون صوره يكوش وعندكم ياكملنا تلعبون االلاعب اجباري على ورق بيده كاشو
    وشكرا لكم

  7. عندي بعض النقاط المهمه كالتالي:-
    1- الابناط يجب ان تحسب (مثلا اذا المشتري حصل على 80 والخصم 82 يخسر المشتري).
    2-البلوت يجب ان يكون اختياري لسببين (اولا يحرص اللاعب على التركيز) ثانيا(اذا كنت المشتري وخسرت ما يحسب عليك).
    3-اذا دبل اي لاعب يجب ان تخصم النقاط منه فقط ولا تخصم من خويه. لأن بعض الاعبين يحاول ان يخرب على خويه .

    وشكرا

  8. السـلامـ عليكمـ 00 ملاحظه بسيطه اتمناء ان تلفت نظركم اليها وهيا كلمه اكه لاصار الاعب حكم يقول الجهاز تلقائي عن الاعب كلمه اكه 0 والمفروض الاعب هو الذي يقول اكه لكي يمشيها خويه المقابل وليس الجهاز 0 هذي ملاحظتي واتمناء ان تظعو في نظام الاعبه زر يضغطه الاعب عند تاكيك الورقه وشـــكرا 00 ولكم خالص الشكرا والاحترامـ 000

  9. بصراحه انا قديم بالبلوت يعني من عام 1405 وانا العبها واللي فاقعن قلبي منها كثرت قوانينها ولكن القانون الثابت واحد سواء بالابناط او بالمشاريع او بالكاشو فالغريب ليش كثر الكلام فيها يعني معقوله اصحاب الموقع مو ملمين بقوانينه والا يدورون رضى الناس علما بان رضى الناس غاية لاتدرك وشكرا لسعة صدركم

  10. السلام عليكم

    استغرب من بعض الردود الذين لا يعلمون اي شي

    مافي شي اسمه المدبل خسران النقاط هي ماتحكم مستحيل ان تتساوى الابناط في الحكم

    وبالنسبه للمشاريع الاخ الذي يذكر ان الميه عشرات في الصن اكبر من الاولاد وفي الحكم العكس . هذا غير صحيح لأن الاولاد اكبر لأن ترتيب المشاريع اكه باشا بنت ولد 10 9 8 7 . والـ100 المتسلسله اكبر من الاربعه المتشابهه .

    واذا في ميه البلوت لا يحسب .

    واذا ذكر البلوت حتى لو كبوت تحسب البلوت لمن ذكر والخصم يأخذ كبوت .

  11. شباب تكفون ابغى حسبة الدبل في الحكم مثلا دبل 32 بس ثري وفور كم فيها بدون مشاريع

  12. اذا واحد كاش علي ياخذ مشروعي اذا فرشته اذا انا المشتري ياخذه بس اذا هو المشتري ياخذه بالتكويش ولا لا

  13. نشكركم جزيل الشكر والتقدير على جهودكم الطيبه لتطوير الموقع
    ولكن ارجو من القائمين على الموقع ابقاء خادم واحد من كل خوادم اللعبه بالشكل القديم مع جزيل الشكر والتقدير

  14. تعليقك بإنتظار موافقة مدير المدونة

    وافق يامدير تراه كلام عادي ومزح وناسة ،، لابد من المرح والوناسة في الامور الجدية حتى يكون هناك ترفيه نفسي ،،، بس اقولك شي عندي عقدة نفسية من كل شي اسمه مدير في كل مكان ،،، وافق خلني ولو مرة في حياتي احب مدير ويكون انت

    وعلى فكرة ترى ايميلي خطأ ،،، عشان ماتحرجني وتطلبي مني اتعرف عليك ،، ترى ما اقدر لاني مزحوووووم من كثر الاصدقاء الجلحط اللي ما من وراهم فايدة

  15. السلام عليكم

    اخواني ممكن سوال؟

    اذا جمعت الاةراق في نهايه اللفه

    ومثل طلع الورق اللى جمعته 65

    كيف اعرف كم نقطه اخذ

    وشكرااااا

  16. السلام عليكم

    عندي ملاحظه :: وهيا بخصوص اضافه خاصيه ( الاكثر ) مع ( الاشكل ) قد يكون الورق الي في يدي كله احمر واقول ( اشكل ) يجيني خويي ( سبيت ) او ( شريه ) ونا ما ابي الا ( هاص ) او( ديمن )
    ياليت تنظرو بلموضوع هذا وشكرا للجميـــــــــــــــــــــــــــع

  17. مكتوب شهر 30 ريال والبطاقة تباع فى ميد ون كارد 38
    3 شهور مكتوب 70 ريال كمان تباع 84
    وهكذا …!!!!؟؟؟
    كنت اشترك اول لكن الان الاسعار فيه استغلال من موقع ون كارد ….

    شفلنا حل ولا راح تخسروووا مشتركينكم !!!

  18. في حالة الميه لا يجوز اشتراك نفس القطعه في مشروعين يعني اذا كانت الميه متسلسل ما يذكر البلوت اما اولاد عشرات اكك يذكر .
    وفي حالة 86 و 76 فان النتيجة تكون 8 \ 8 .
    وسلامتكم

  19. الموقع كل فتره يتطور ,
    لاحظت في الفتره الاخيره الكمبيوتر اذا حليت يشد وهذا كلام كويس , فقط ملاحظه كانت قاهرتني من زمان

    ثانيا بالنسبه للبلوت يجب ان يكون اختياري زي السرا ,, لنفرض انها خسرانه علي ليه اعطي الفريق الخصم +2 ,

    ثالثا فيه نقطه فيها اختلاف على مستوى اللاعبين الكبار , اللي هي الميه المتسلسل هل فيها بلوت او لا , صراحه انا تعبت من كثر ما اوضح ان الميه المتسلسل فيها بلوت بس بشرط لازم تذكره عند رميك لآخر قطعه من البلوت سواء البنت او الشايب,
    بيجيني واحد يقول ليه لازم اذكر البلوت في الميه , والخمسين والسرا مو لازم ينذكر لأن المفروش مذكور
    اقوله :
    الحين الميه نوعين متسلسل ومتشابه
    الميه المتشابهه ماتقدر تذكر البلوت فيها لسبب بسيط , لان مايمكن انك تذكر مشروعين في مشروع ( لاحد يجيني من العليميه يقول لي وش تهذري انت ) , وفيه سبب آخر لانك اذا قلت بلوت بتنجلد ويمكن تنطرد من المكان اللي انت فيه

    الميه المتسلسله فيها بلوت بشرط انك عند رميك لآخر ورقه من البلوت تذكره , ولو ماذكرته مايحسب لك بلوت , ليه ؟؟
    ( لأن لو عنده ميه شيبان ورمى بنت الحكم وقال بلوت تحسب عليه تسجيله ) .<< مبدأ اللعب غلطه
    طبعا هذي المشكله موجوده حتى عند اللعيبه الكبار دائما ما يتلاقطون عليها وصعب انك تقنع احد فيها , ارجو اذا فيه احد اسلوبه كويس في الشرح يوضحها لكم

    رابعا : اطالب بتفعيل الابناط .
    لايجيني احد ويقول الابناط بس في الدبل لأن الفرق بين الدبل واللعب العادي ( انه اذا تساوى الفريقين المدبّل خسران ) لكن اذا شريت وعدك اقل منّي ولو بربع بنط تخسر عليك.

    اعجبني الاخوان عند ذكرهم ل/ 76 و 86 هذي نقطه مهمه جدا , دائما العد ليس للفريق المشتري بل لخصمه فلذلك المشتري ليس له عد , وبذلك عندما يكون عد الفريق الخصم 76 او 66 او 56 ……الخ فأن حسابها يكون 8 او 7 او 6 على التوالي لأن العد ليس للفريق المشتري .

    شكرا وعذرا

  20. يعني اخووواني اذا طلع مجموع الورق 86 اقسمه على العب واطلع نقاطي كم

    وشكرا

  21. السلام عليكم
    اولا: اي بنطين زيادة تعتبر خسرانه مثل: انا الخصم وجبت 82 اوكان عندي سرا وجبت 72 تعتبر خسرانه وفي حال تساوي الابناط المدبل خسران.
    ثانيا : البلوت في المية مثل : اذا ميتي بنات البلوت مو محسوب او شيبان البلوت مومحسوب كمان اما اذا كانت شايب متسلسل او اكه متسلسلة اقصد خمس اوراق عادي تذكر البلوت.
    مثال: تخيل معك مية شيبان في الصن وفي يدك بنت السبيت وولد السبيت تخيل انك تذكر سرا بعد ماتجي اتمنى وصلت الفكرة.

  22. المية اذا كانت متسلسل في الحكم وفيها بلوت يحسب . كما في الخمسين؟؟؟؟؟
    اما اذا كانت من 4 باشات او بنات لالالالا لانه استخدمت مرتين فلا يذكر البلوت في هذه الحاله
    ولكم الشكر على هذا المجهود.

  23. عفواً انا قلت الميه المتسلسل ما يذكر لا عفواً زيها زي السرا زي الخمسين يذكر فيها البلوت ، لكن البلوت ما يذكر في الميه اذا كانت شيبان أو بنات لأن البلوت ماهو مفروش .
    بالنسبه ل100 الاولاد في الحكم و100 الاكك ، انا مدري ليش مهولين موضوع ال100 ، 100 الاكك اكبر طبعاً لأن للمشاريع ترتيب ثابت ما يختلف باختلاف اللعب ان كان صن وان كان حكم ، ولا كان فرشنا سرا الولد وتركنا سرا الاكه في الحكم .

Comments are closed.